What If... Marc Spector Was Host to Venom?: A Moon Knight & Venom Story

მარკ სპექტორი და ვენომი ნამდვილ გონებრივ და ფსიქოლოგიურ ომში ებმებიან Marvel-ის მულტისამყაროს ეპიკური სერიის მორიგ თავგადასავალში, რომელიც ცნობილი გმირების წარმოშობის ისტორიებს ახლებურად გვთავაზობს.

უამრავი სამყარო და ასე ცოტა დრო. უსასრულო შესაძლებლობები, რომლებიც უსასრულო რეალობებს ქმნის. მე დიდხანს ვაკვირდებოდი, როგორ აღწევდა მარკ სპექტორი თავს სიკვდილს ეგვიპტური ღვთაების, ხონშუს სახელით. მაგრამ... რა მოხდებოდა, Moon Knight-ი სხვა სამყაროდან მოსულ ვენომს რომ შთაენთქა?

მარკ სპექტორი შეჩვეულია საკუთარ თავში სხვადასხვა ხმების მოსმენას. შეჩვეულია დეზორიენტირებულ გაღვიძებას და იმის არცოდნას, თუ რა ჩაიდინეს მისმა ალტერ-ეგოებმა, ჯეიკმა და სტივენმა. ის შეჩვეულია ეგვიპტური ღმერთის ბრძანებების შესრულებას Moon Knight-ის — მართლმსაჯულებისა და შურისძიების ავატარის როლში. თუმცა, ის ნამდვილად არ არის შეჩვეული საკუთარი სხეულის მიღმა არსებული დოპელგანგერის (ორულის) პირისპირ დგომას.

სხვა ალტერნატიული რეალობიდან ჩამოვარდნილი მარკი, რომელიც დახმარებას ითხოვს? დიახ, ეს მისთვისაც კი ახალი ხილია.

სანამ მარკი სიტუაციაში გარკვევას მოასწრებს, ცხადი ხდება, რომ მეორე მარკს მარტოს არ უმოგზაურია. უცხოპლანეტური არსება — სიმბიოტი სახელად ვენომი — ტოვებს თავის ამჟამინდელ მასპინძელს და იწყებს მარკთან შერწყმას. ის აძევებს ხონშუს და Moon Knight-ს თავის საკუთრებად აცხადებს. ოდესღაც სუფთა, თეთრი კოსტიუმი, რომელიც კრიმინალებში შიშს თესავდა, ახლა მოყვარესა თუ მტერს კუპრივით შავ აჩრდილად ევლინება. მარკის სასიკვდილო ოსტატობა, გაჯერებული ვენომის ძალადობრივი მიდრეკილებებით, ნამდვილ ქაოსს თესავს.

თუმცა, იმედის ნაპერწკალი მაინც რჩება: ვენომის კონტროლისგან გათავისუფლებული სხვა სამყაროს ჯეიკი და სტივენი გონს უცხო რეალობაში მოდიან — თავიანთი მარკის გარეშე, თუმცა ფრინველისმაგვარი უცნაური ღმერთის გარემოცვაში, რომელიც აცხადებს, რომ „ისინიც გამოდგებიან“. სასოწარკვეთილი და დროსმოკლებული წყვილი გარიგებაზე მიდის: გახდნენ ხონშუს ახალი ავატარები, რათა მიჰყვნენ ვენომის მიერ დატოვებულ ნანგრევების კვალს, გადაარჩინონ ეს სამყარო და, ეგებ, საკუთარ სახლში დაბრუნების გზაც იპოვონ.

პროდუქტის მახასიათებლები:

• სერია: What If...? (წიგნი 3/5-დან)

• გვერდების რაოდენობა: 352 გვერდი

• ენა: ინგლისური

• გამომცემლობა: Random House Worlds

• გამოცემის თარიღი: 22 ოქტომბერი, 2024